பாராளுமன்றத்தில் 2025 வரவு செலவுத் திட்ட விவாத உரையின்போது, கடற்றொழில், நீரியல் மற்றும் கடல் வளங்கள் பிரதி அமைச்சர் ரத்ன கமகே, மீன்வளத் துறைக்கு முன்னெப்போதும் இல்லாத ஒதுக்கீடு வழங்கப்பட்டுள்ளது குறித்து சுட்டிக்காட்டினார், இது நாட்டின் உற்பத்தி பொருளாதாரத்தை மேம்படுத்துவதற்கான குறிப்பிடத்தக்க அர்ப்பணிப்பைக் எடுத்துக்காட்டுவதாக தெரிவித்தார்.

"இது மீன்பிடித்துறைக்கு இதுவரை ஒதுக்கப்பட்ட  உயர்ந்த ஒதுக்கீடு ஆகும். உற்பத்தி பொருளாதாரத்திற்கு குறிப்பிடத்தக்க பங்களிப்பை வழங்குவதன் மூலம் இந்தத் துறையின் முக்கியத்துவத்தை அரசாங்கம் அங்கீகரித்துள்ளது. 2024 இல், மீன்பிடித்துறைக்கு ரூ. 7,000 மில்லியன் ஒதுக்கப்பட்டது. இருப்பினும், 2025 வரவு செலவுத் திட்டத்தில், இந்தத் தொகை ரூ. 11,400 மில்லியனாக அதிகரிக்கப்பட்டுள்ளது, இது 62.85% வளர்ச்சியை பிரதிபலிக்கிறது," என்று பிரதி அமைச்சர் பாராளுமன்றத்தில் தனது உரையின் போது கூறினார்.

மீன்பிடித்துறை மேம்பாட்டிற்கான முக்கிய வரவு செலவுத் திட்ட ஒதுக்கீடுகள்:

?    நன்னீர் மீன்வளத் தொழில் மேம்பாட்டிற்கு ரூ. 200 மில்லியன் ஒதுக்கீடு

?கடற்றொழில் சமூகத்தின் வாழ்வாதார பாதுகாப்பை உறுதி செய்ய மீன்பிடி படகுகளுக்கான எரிபொருள் மானியமாக ரூ. 3,000 மில்லியன், (2024 அக்டோபர் முதல் 2025 மார்ச் வரை)

இந்த குறிப்பிடத்தக்க முதலீடு, மீன்பிடித்துறையை வலுப்படுத்துவதற்கும், பொருளாதார நிலைத்தன்மையை மேம்படுத்துவதற்கும், நாடு முழுவதும் உள்ள மீன்பிடித்துறை சமூகங்களின் வாழ்வாதாரத்தைப் பாதுகாப்பதற்கும் அரசாங்கத்தின் அர்ப்பணிப்பை எடுத்துக்காட்டுகிறது.